सासवड, प्रतिनिधी : सासवड पोलीस स्टेशन हद्दीत जबरी चोरी करणारे गुन्हेगारांना अटक करण्यात आली आहे. याबाबत पोलिसांकडून मिळालेल्या माहिती नुसार यातील फिर्यादी नामे हे ऋषीकेश सुनील पवार (वय-१९ वर्षे, धंदा किराणा दुकान, रा. उदाचिवाडी, ता. पुरंदर, जि. पुणे) हे दि. ०४/ ०९/ २०२१ रोजी रात्री ८:०० वा. च्या सुमारास त्यांचे किराणा दुकान बंद करून त्यांचे टेम्पोमधून सासवड ते उदाचीवाड़ी असे रोडने घरी जात असतांना रस्त्यामध्ये ३ अनोळखी चोरटे हिरो होंडा स्लेंडर मोटर सायकलवर येऊन फिर्यादीस मोटर सायकल आडवी मारून ‘तू माझे पायावर गाड़ी का घातली’ असा बनाव करून फिर्यादीस गाडीतुन खाली ओढून बाजूला अंधारात शेतात नेऊन लोखंडी रॉडने मारहाण करून फिर्यादीचे गळ्यातील २ तोळे सोन्याची चैन, रोख रक्कम ५०,०००/- व मोबाईल असा एकून १,३५,०००/- रुपयाचा ऐवज जबरीने काढून घेऊन मोटर सायकलवर पळून गेले होते. सदरबाबत सासवड पोलीस स्टेशन गु.र.नं. ३४०/२०२१ भा. दं. वि. का. क. ३९४, ३४ अन्वये दिनांक ०५/ ०९/ २०२१ रोजी गुन्हा दाखल करण्यात आला आहे.
त्यांचेकडे चौकशी केली असता त्यांनी वरील गुन्हा आम्हीच केला असल्याची कबुली दिली आहे. आरोपी १) रोहन संजय माने (वय-१८ वर्षे, रा . देगांव , ता / जि.सातारा), २) ज्ञानेश्वर उर्फ माऊली भिकाजी चव्हाण (वय-१९ वर्षे, रा . खुनेश्वर, ता. मोहोळ, जि . सोलापुर), ३ ) रोहन उर्फ रॉबिन रमेश चव्हाण (वय-१९ वर्षे, रा. खुनेश्वर, ता . मोहोळ, जि. सोलापुर) वरील आरोपींकडून गुह्यात वपरलेली हिरो होंडा स्प्लेंडर मोटर सायकल एम.एच. – १३, सी वाय -०९६४, १ रेडमी कंपनीचा मोबाईल, २ तोळे सोन्याची चैन , रोख रक्कम ५०,०००/- असा एकून १,३५,०००/- रुपयाचा जबरीने काढून घेतलेला ऐवज जप्त करण्यात आलेला आहे. तसेच गुन्हयातील जबरीने चोरलेली २ तोळे सोन्याची चैन ही ज्ञानेश्वर तुकाराम पोतदार (वय-४० वर्षे, रा.सासवड ता.पुरंदर, जि.पुणे (सोनार) यांना विकेलेली असल्याने त्यांना गुन्हयात अटक करण्यात आलेली आहे.
कोणत्याही टिप्पण्या नाहीत:
टिप्पणी पोस्ट करा